ԱՄՆ հատուկ նշանակության ուժերի գաղտնիքները կարող են ընկնել Ռուսաստանի հետախուզության և Սիրիայի կառավարության ձեռքը Սիրիայից ամերիկյան զորքերի դուրսբերումից հետո: Այս մասին, հղում անելով աղբյուրներին, հայտնում է Military Times-ը:
Հրապարակման համաձայն՝ Պենտագոնը այժմ շատ անհանգստացած է այս հարցով, քանի որ ամերիկյան հատուկ նշանակության ուժերի գաղտնիքները քրդերին փոխանցվել են 5 տարի անընդմեջ: Նշվում է, որ ԱՄՆ-ի աջակցությունը վայելող սիրիական ժողովրդավարական ուժերը տեղյակ էին Միացյալ Նահանգների հատուկ նշանակության ուժերի կողմից հետախուզական տվյալների հավաքման բազմաթիվ մարտավարություններին, մեթոդներին, ինչպես նաև ընթացակարգերին և տեխնիկական հատկանիշներին: Բացի այդ, նրանք գիտեն տարածքում աշխատող բազմաթիվ օպերատորների անունները:
Մանրամասները կարող են փոխանցվել ռուսական կողմին որպես հավատարմության նշան: Ըստ Պենտագոնի աղբյուրների՝ քրդերը կարող են դա անել, քանի որ նրանք այժմ գտնվում են ծայրահեղ ծանր իրավիճակում և պետք է կատարեն նոր դաշնակիցների ցանկացած պահանջ:
