Ռուսաստանի շոու բիզնեսի աստղերից մեկը` հաղորդավար Թինա Կանդելակին, պատմել է, թե ինչու է ամուսինը լքել իրեն, և իրենք ամուսնալուծվել են: Այս մասին գրում է Segodnya.ru կայքը:
«Երբ մենք ապրում էինք Անդրեյի հետ, երբեք խնդիրներ չենք ունեցել այն հարցի շուրջ, թե ով որքան է վաստակում: Մենք խնդիրներ ունեինք կյանքի նկատմամբ ունեցած մեր վերաբերմունքի հետ կապված: Հիմա նա մեկնել է երկարատև շուրջերկրյա ճանապարհորդության: Իսկ ես նորմալ «համակարգային» վրացի կին եմ, որի համար կարևորը ընտանիքի համար ուրախության և հաճույքի մաքսիմալ հնարավորություններ ստեղծել է: Ես ունեմ ծեր մայր, փոքր երեխաներ: Եվ ոչ բոլոր տղամարդիկ կարող են մեծ ընտանիքի դիմանալ: Անդրեյն ինձ ասեց, որ մեր հարաբերությունները սպառված են: Այսինքն՝ նա ամեն ինչ արել է ընտանիքի համար, իսկ հիմա կարող է ինքն իր համար ապրել»,- ասել է 35-ամյա Թինան:
Նշվում է, որ Անդրեյն ու Թինան հիմա լավ հարաբերություններ ունեն: Նույնիսկ Անդրեյի մայրը մնացել է ապրելու Թինայի մոտ: Թինա բացասական պատասխան է տվել այն հարցին, թե արդյոք փորձե՞լ է նոր տղամարդ գտնել իր համար. «Կենդանի ամուսնու օրո՞ք: Ամուսնացած կնոջ համար դա անպարկեշտ է: Կովկասյան ընտանիքներում երեխաներին դրան սովորեցնում են դեռ փոքրուց: Սակայն ես չեմ ասելու, որ ես մեղավոր չեմ, նա ինքն է հեռացել: Կինը, որը ինչ որ բան է փնտրում այլ տեղերում, սեփական ընտանիքում խնդիրներ ունի, պատրաստ է ինքնախաբեությամբ զբաղվել: Սակայն դա իմ ֆորմատը չէ»,- ասել է Թինան:
