Այսօր մեզ հայտնի դարձավ, որ Հանրապետական կուսակցության Արաբկիրի տարածքային կառույցի ղեկավար Հովհաննես Շահինյանը կուսակցության այսօր տեղի ունեցած նիստի ժամանակ իր դիմումի համաձայն վայր է դրել իր լիազորությունները: Շահինյանը, որպես իր լիազորությունները վայր դնելու պատճառ նշել է իր զբաղվածությունն ու առողջական խնդիրները: Նշենք, որ տևական ժամանակ է արդեն Շահինյանն իր գործունեությունը կենտրոնացրել է Փարիզում: Ֆրանսիայի մայրաքաղաքում նա ունի անշարժ գույք և բիզնես: Ընդամենը վերջերս՝ հունիսի 16-ին, Հովհաննես Շահինյանը ընտանիքով կրկին մեկնել էր Փարիզ:
Նշենք, որ երեկ` հուլիսի 12-ին տեղի ունեցած ՀՀԿ նիստի ժամանակ ՀՀԿ Արաբկիրի տարածքային կառույցի նոր ղեկավար է ընտրվել Արմեն Մարտոյանը` Հովհաննես Շահինյանի տեղակալը:
Հովհաննես Շահինյանն Արաբկիրի ՀՀԿ տարածքային կառույցի ղեկավար էր ընտրվել 2010թվականից: Նա 2005 թ. նշանակվել է Արաբկիր համայնքի ղեկավարի տեղակալ: Նույն թվականին ընտրվել է Արաբկիր համայնքի ղեկավար:
