«WCIT համաժողովի ամենամեծ կապիտալիզացիան այն է, որ մենք կարողացանք ապահովել հնարավորինս շատ մասնագետների մասնակցությունը, որովհետև եթե դու ապագայի մասին պատկերացում ունես բիզնեսում, ապա պատրաստվում ես ապագային, և երբ այդ ապագան գալիս է, դու արդեն պատրաստ ես և արդեն շուկայում ես: Սա, ինձ թվում է, ամենակարևոր հատվածն է, որ ստացան հայ մասնագետները»,- «Առաջին լրատվական»-ի հետ զրույցում նշեց Առաջատար տեխնոլոգիաների ձեռնարկությունների միության գործադիր տնօրեն Կարեն Վարդանյանը՝ խոսելով Հայաստանում անցկացված ՏՏ համաժողովի արդյունքների մասին:
Մեր զրուցակիցը կարևորում է նաև այդ մասնակիցների հետ ուղղակի կապերը:
Կարեն Վարդանյանի խոսքով՝ բազմաթիվ օրինակներով տեսանք, որ մարդիկ, ովքեր առաջին անգամ էին Հայաստանում, սիրեցին մեր երկիրը և մեր երկրի հետ գործ անելու իրենց պատրաստակամությունը հայտնեցին:
«Կարծում եմ՝ այս ընդհանուր կոմպլեքսի մեջ շատ շահավետ դուրս եկավ Հայաստանը, քանի որ այն ճանապարհը, որ տարիներով է պետք անցել, հնարավորություն ընձեռվեց անցնելու օրերի ընթացքում»,- նկատեց Կարեն Վարդանյանը:
Հարցազրույցն ամբողջությամբ՝ տեսանյութում:
