Թուրքիայի նախագահ Ռեջեփ Թայիփ Էրդողանը հայտարարել է, որ երկիրը չի դադարեցնի գործողությունը Սիրիայում՝ չնայած ԱՄՆ կոչերին, հաղորդում է «ՌԻԱ Նովոստին»՝ հղում անելով NTV հեռուստաալիքին:
Էրդողանի խոսքերով, Թուրքիան պայքարում է ոչ թե քրդերի, այլ ահաբեկչական կազմակերպությունների դեմ: Նախագահը նաև նշել է, որ ԱՄՆ նախագահ Դոնալդ Թրամփին կոչ է արել դադարեցնել ռազմական աջակցությունը քրդական ուժերին, բայց ամերիկյան կողմը դա չի արել: Նա շեշտել է, որ Թուրքիան մտադիր չէ նահանջել:
«Մենք սպառնալիքներ ենք ստանում ինչպես աջից, այնպես էլ ձախից՝ այս գործողությունը դադարեցնելու համար: (…) Եփրատից արևմուտքն ու արևելքն ահաբեկչական կազմավորումներից մաքրելով՝ մենք կապահովենք մեր սահմանների անվտանգությունը և սիրիացի փախստականների վերադարձն իրենց տներ»,- եզրափակել է Էրդողանը: