ՀՀ ԱԺ նախկին պատգամավոր, ՀԱԿ ներկայացուցիչ Մյասնիկ Մալխասյանին «Առաջին լրատվականը» հարց ուղղեց, թե իշխանություն-ընդդիմություն երկխոսության շրջանակներում հնարավո՞ր է, որ արտահերթ ընտրությունների հարցը շարունակի մնալ օրակարգային հարց, բայց դրան զուգահեռ քննարկվեն նաև այլ խնդիրներ, և արտահերթ ընտրությունների հարցը ետին պլան մղվի:
«Կարծում եմ, բացառված է, որ հիմնական օրակարգային հարցը հետին պլան մղվի, որովհետև Հայ ազգային կոնգրեսը իր ստեղծման օրվանից իր մարտավարությունը ինչպես տարել է, հավատարիմ է մնացել իր սկզբունքներին: Քանի որ երկրում ստեղծված իրավիճակը կեղծված ընտրությունների արդյունքում է առաջացել՝ այդ իսկ պատճառով օրակարգի հիմնական խնդիրը երկրում սահմանադրական կարգը վերականգնելու հարցն է։ Բարոյահոգեբանական մթնոլորտը և մնացած խնդիրները` արտագաղթը կանգնեցնելու և այլն, բոլորը ածանցյալն են կեղծված ընտրությունների: Եթե գոնե մեկ անգամ երկրում տեղի ունենան օրինական, արդար ընտրություններ՝ ժողովրդի մոտ կվերականգնվի հավատը և վստահությունը: Կարծում եմ՝ Հայ ազգային կոնգրեսը սա շատ լրջորեն է գիտակցում, և այս հարցը մնալու է օրակարգի գլխավոր հարց ու երբեք չի կարող երկրորդական դառնալ»,- հայտարարեց Մյասնիկ Մալխասյանը:
