ԱՄՆ կոնգրեսականներ Ջեկի Սփիերը, Ֆրենկ Պալոնեն և Ադամ Շիֆը ԱՄՆ Պետդեպին և Պենտագոնին ուղղված իրենց նամակում պահանջել են դադարեցնել Ադրբեջանին տրամադրվող ռազմական օգնությունը։ Այս մասին հայտնել է Ամերիկայի Հայ դատի հանձնախումբը Twitter-ի իր էջում:
Ինչպես նշվում է նամակում, ԱՄՆ-ը զգալիորեն մեծացրել է անվտանգության ոլորտում Ադրբեջանին տրվող օգնությունը: Ադրբեջանն, այդպիսով, դարձել է տվյալ ծրագրի շրջանակում օգնություն ստացող մեծությամբ երրորդ երկիրը։ Հրապարակված տվյալներով՝ 2018-2019թթ. Ադրբեջանը ստացել է ավելի քան 102 մլն դոլար։
«Անհանգստացած ենք ԱՄՆ ՊՆ-ի կողմից Ադրբեջանի Հանրապետությանը տրվող օգնության ավելացմամբ, ինչպես նաև Հայաստանի Հանրապետությանը հավասարաչափ ֆինանսական օգնություն տրամադրելու ակնհայտ բացակայությամբ»,- նշվում է կոնգրեսականների նամակում։