Մենք աշխատանքային ռեժիմով առաջ ենք գնում մեր նախատեսված ծրագրով և հոկտեմբերի 18-ին տեղի ունենալիք խորհրդարանական լսումները, որտի քննարկման առարկան լինելու է «Կուսակցությունների մասին» օրենքի նախագծի փոփոխությունները, ուժի մեջ է: Այս մասին «Առաջին լրատվական»-ի հետ զրույցում նշեց «Իմ քայլը» խմբակցության պատգամավոր Համազասպ Դանիելյանը՝ հավելելով, որ դրանից հետո էլի մարդիկ հնարավորություն կունենան առաջարկներ ներկայացնել:
Անդրադառնալով կուսակցություններ ստեղծելու համար ներկայացվող պահանջներին, նա ասաց. «Կա երկու մոտեցում, մեկն այն է, որ պետք է ազատ մոտեցում ցուցաբերել ևանդամների որոշակի թվի պայման չդնել, թույլ տալ որ սահմանափակ թվով մարդիկ կարողանան դա կազմակերպել: Կա մյուս մոտեցումը, որ կուսակցությունները հատուկ տեսակի միավորումներ են, ձկնորսական ակումբներ չեն, նրանց գործառույթը քաղաքական ու էքսկլյուզիվ է, այդ թվում խորհրդարանների ձևավորմանն են մասնակցում: Հետևաբար, նրանց հանդեպ այլ պահանջներ ևս պետք է դրվեն»:
