McDonald’s ամերիկյան կորպորացիայի ներկայացուցիչ Հայդի Բարքերը ուրբաթ օրը հայտարարել է, որ Ղրիմում հասարակական երեք կետերի աշխատանքի դադարեցման մասին որոշումը կապված է բանկային սպասարկման և ոչ թե քաղաքականության հետ: Այս մասին գրում է Ria Novosti-ն:
«Կարևոր է ընդգծել, որ դա բացառապես գործնական որոշում է, որը քաղաքականության հետ ոչ մի կապ չունի: Ներկայում մենք տարբեր քայլեր ենք ձեռնարկում՝ մեր աշխատակիցներին աջակցելու համար: Մենք հույս ունենք շուտով բացել մեր ռեստորանները՝ տեղացի հաճախորդներին կրկին ողջունելու համար»,- ասել է ընկերության ներկայացուցիչը:
