ՀՀ էկոնոմիկայի նախարարության և ՄԱԿ-ի ԶՀԿ-ի միջև ստորագրված հուշագրի շրջանակներում Վրաստան և Հայաստան են այցելել ՄԱԿ ԶՀԿ «Թեմիս» հիմնադրամի կամավորների ծրագրի ղեկավար Լուկա Մանոկին և փորձագետ էլեն Բերմանը: Այսօր ասուլիսի ժամանակ էկոնոմիկայի նախարարության զբոսաշրջության վարչության պետ Մեխակ Ապրեսյանը տեղեկացրեց, որ նրանց նպատակն է կամավորական խմբի այցելության նախապատրաստումը: Կամավորները կգույքագրեն և կբացահայտեն Վրաստանի և Հայաստանի զբոսաշրջության ռեսուրսները։ «Սա կնպաստի Հարավկովկասյան զբոսաշրջային արդյունքի մրցունակության բարձրացմանը»,- ասաց Մեխակ Ապրեսյանը:
Լուկա Մանոկին հայտնեց, որ պետք է ոչ միայն հայտնի ռեսուրսներ փաթեթի մեջ ներառել, այլև բացահայտել նորերը: Նա կարևորեց ոչ նյութական ռեսուրսների բացահայտումը, հետաքրքիր պատմություններ տեղանքի, բնակչության վերաբերյալ և այլն: «Բնակչության ջերմությունը և հյուրընկալությունը Հայաստանի ամենակարևոր ռեսուրսներից մեկն է»:
էլեն Բերմանի խոսքով՝ «Հայաստանը մեծ պոտենցիալ ունի՝ աշխարհին ներկայանալու որպես գրավիչ զբոսաշրջային երկիր:
Ենթակառուցվածների զարգացման կողքին պետք է կարևորել «Կովկասյան ոգի» ասվածը, և նյութական ռեսուրսներին պետք է շունչ տալ: Պետք է կարողանալ համակցել բոլոր ռեսուրսները և ունենալ գրավիչ զբոսաշրջային արդյունք։ Ու ամենակարևորը՝ պետք պատասխան տրվի, թե ինչո՞ւ զբոսաշրջիկը պետք է ընտրի Հայաստանը»:
