IPhone 11 Pro-ի արտադրողները պատկերավոր ցույց են տվել սմարթֆոնի երեք հիմնական տեսախցիկների հնարավորությունները, հայտնում է 9to5mac-ը:
Ցանցի օգտատերերը տեսել են գաջեթով նկարահանված առաջին ֆիլմը: Կարճմետրաժ ֆիլմի հեղինակը Էնդի Թոն է:
Հաղորդագրությունում ասվում է, որ ընդամենը չորս րոպեի ընթացքում ռեժիսորը կարողացել է էկրանին փոխանցել այն զարմանալի կյանքը, սովորություններն ու ունայնությունը, որում ապրում են Տոկիոյի բնակիչները:
«Ես ուղևորվեցի Տոկիո՝ iPhone 11 Pro-ի տեսախցիկը փորձարկելու համար: Տեսանյութի նպատակը Ճապոնիայում իմ շրջագայությունը ցուցադրելն է: Ես օգտագործել եմ արագ մոնտաժի ոճը, որն ինձ անչափ դուր է գալիս»,- ասել է ֆիլմի հեղինակը:
iPhone 11 Pro-ի պաշտոնական վաճառքը կսկսվի սեպտեմբերի 20-ին: