Նամիբիայում գտնվող «Էթոշա» արգելոցում երկու հազվագյուտ սև ռնգեղջյուրներ են մենամարտել: Կենդանիների պայքարի տեսանյութը հրապարակվել է Daily Mail տաբլոիդի կողմից:
Նկարահանումները կատարել է տեղի ուղեվար Ռոքո Թալիան: Տղամարդը ականատես է դարձել, թե ինչպես է սև ռնգեղջյուրը կռվում իր ցեղակցի հետ և օդ բարձրացնում նրան: Ագրեսիվ գազանը հետապնդում էր հակառակորդին և քշում եղջյուրներով: Ռնգեղջյուրների կողքին հարթավայրում վազում էին զեբրերը և այլ կենդանիներ:
Սև ռնգեղջյուրը աֆրիկյան ռնգեղջյուրի տեսակ է, որը գտնվում է ոչնչացման եզրին: 2013-ի նոյեմբերից Արևմտյան Աֆրիկայի սև ռնգեղջյուրների ենթատեսակներից մեկը պաշտոնապես ոչնչացված է հայտարարվել:
Սև ռնգեղջյուրը կշռում է մոտ երկու տոննա և հասնում է մինչև երեք մետր երկարության: Որպես կանոն, այն ունի երկու եղջյուր, սակայն հայտնաբերվում են երեք կամ նույնիսկ հինգ եղջյուր ունեցող անհատներ:
«Էթոշա» ազգային պարկը Նամիբիայի հյուսիսում գտնվող արգելոց է, որտեղ բնակվում են սավանայի փղեր, սև ռնգեղջյուրներ, լեռնային զեբրեր, ընձուղտներ և ջայլամներ:
