Ֆրանսիայի միջուկային անվտանգության գործակալությունը (ASN) որոշում է կայացրել յոդի հաբեր բաժանել ատոմակայանների մոտ բնակվող մոտավորապես 2.2 միլիոն մարդու, հայտնում է Euronews-ը:
Նման ձևով երկիրը հույս ունի վթարի դեպքում EDF 19 ատոմակայաններից մեկից 20 կմ շառավղով տարածքում ապրող մարդկանց պաշտպանել ճառագայթումից:
Հաղորդագրության համաձայն, դեղահաբերը հնարավոր է ստանալ մոտակա դեղատանը:
2016-ին Ֆրանսիան յոդի հաբեր արդեն բաշխել էր ատոմակայանից 10 կմ հեռավորության վրա ապրող մարդկանց, իսկ այժմ որոշել է ընդլայնել շառավիղը: Երեք տարի առաջ նշված տարածքների բնակիչների միայն 50 %-ն էր օգտվել պետական նախաձեռնությունից, հայտնում են տեղական լրատվամիջոցները:
«Կայուն յոդով հագեցած վահանաձև գեղձը ռադիոակտիվ նյութեր չի կլանում և այն չի տարածում ներքին օրգանների վրա»,- նշել է ASN-ն:
