ՀԱԿ փոխնախագահ Լևոն Զուրաբյանը լրագրողների հետ զրույցում նշեց, որ ողջունում է ԱԺ նախագահ Արարատ Միրզոյանի հայտարարությունը. «Կարող եմ նաև նախատել, թե ինչու ավելի շուտ չէին անում: Կարող եմ ասել նաև, որ ես ավելի կոշտ քայլերի կողմնակից եմ»:
Նրա խոսքով՝ Հրայր Թովմասյանը Սահմանադրական դատարանի ցմահ նախագահ է դարձել Սահմանադրության խախտումով. «Նա չէր կարող 14 օրից ավելի շուտ զրկվել պատգամավորական մանդատից, որը խոչընդոտում էր ՍԴ նախագահի պաշտոնը ստանալու նրա հնարավորությունը: Նրանք գնացել են այդ ժամկետը ապօրինի կրճատելու ճանապարհով»:
Ինչ վերաբերում է Արթուր Վանեցյանի պաշտոնանկությանը, Լևոն Զուրաբյանն ասաց. «Ես չգիտեմ՝ ինչու են նրան հանել, բայց ես մի բան գիտեմ. երկրի հատուկ ծառայությունների պետը իրավունք չուներ անելու այն հայտարարությունը, որը նա արեց: Միայն այդ հայտարարությունը հիմնավորում էր, որ իրեն պետք էր հանել»:
Մանրամասները՝ տեսանյութում: