Սաուդյան Արաբիայի Saudi Aramco նավթի-գազի պետական ընկերությունը հաճախորդներին հայտնել Է իր նավթային օբյեկտների վրա գրոհներից հետո նավթի բեռնառաքումը վերսկսելու մասին: Այդ մասին հայտնել Է Reuters գործակալությունը՝ վկայակոչելով աղբյուրներ, որոնք ծանուցում են ստացել ընկերությունից: «Saudi Aramco-ն մի քանի հաճախորդների տեղեկացրել Է, որ սաուդյան նավթային օբյեկտների վրա սեպտեմբերի 14-ին ձեռնարկված գրոհների պատճառով ընդհատումներից հետո բեռնառաքումը վերականգնված Է»,-գործակալությանը պատմել են երկու աղբյուր: Այն մասին, որ ներկայում բեռնառաքումներն իրականացվում են, ասված Է նավթի մատակարարումների պլանավորման կենտրոնի (Oil Supply Planning and Scheduling, OSPAS) ծանուցման մեջ:
Երեք աղբյուր, ներառյալ մեկը, որն ստացել Է ծանուցումը, գործակալությանը հայտնել են, որ իրենց նավթատար նավերում բեռնումն ընթանում Է «նորմալ»: Սաուդյան Արաբիան, որը նավթի խոշորագույն արտահանողն Է եւ դրա երեք խոշորագույն արտադրողներից մեկը, իր նավթային օբյեկտների վրա շաբաթ օրվա գրոհից հեկտո հայտարարել Է, որ նավթի արտադրությունը կրճատվել Է ավելի քան կրկնակի՝ օրական 5,7 մլն բարելով: Wall Street Journal թերթը, վկայակոչելով սաուդցի պաշտոնյաների, հայտնել Է, որ երկիրը մտադիր Է մինչեւ սեպտեմբերի 16-ը մեկ երրորդով վերականգնել նավթի արդյունահանումը, որը խաթարվել Է դրոնների գրոհի հետեւանքով, հաղորդել Է ՌԻԱ Նովոստին:
