Լուրեր
Նախկին համակարգում կիրթ լինելը հաջողության հասնելու համար անհրաժեշտ որակ չէր, լավ կապեր էին պետք
  • 09:45
  • 2019-09-14
  • Դիտումներ՝ *

«Տնտեսական աճի ցուցանիշները կազմում են 7-8 տոկոս, բայց մեր տնտեսության պոտենցիալը շատ ավելի մեծ է, կարծում եմ, որ եթե ճիշտ տնտեսական քաղաքականություն վարենք, երկնիշ տնտեսական աճը մեր գրպանում կլինի»,- «Առաջին լրատվական»-ի հետ զրույցում ասաց «Մենյու գրուփ» ընկերության հիմնադիր Վահան Քերոբյանը՝ հավելելով, որ տնտեսության բոլոր ճյուղերում ֆինանսական ռեսուրսների մեծ պահանջարկ կա: «Ֆինանսական միջոցների անհասանելիությունը դեռևս մնում է բիզնեսի ամենամեծ խոչընդոտներից մեկը: Ֆինանսական միջոցների պակասը թույլ չի տալիս, այսպես ասած, լիաթոք շնչել»,- ընդգծեց Վ. Քերոփյանը:

Մեր զրուցակցը, ով մի քանի երկրում աշխատող ընկերության տնօրեն է, կարծում է, որ բիզնեսի ոլորտում կայանալու համար, ի տարբերություն տարածված կարծիքի, հայ գործարարները միմյանց օգնում են. ցանկացած երկրում հայտնվում են հայ գործարարներ, որոնք «толчок» են տալիս, ինչը, անշուշտ, շատ մեծ առավելություն է: Մեր ամենամեծ թերությունը մարդկային կապիտալի հետ է կապված՝ հիմնականում կրթության. մեր կրթական մակարդակը մեծ խոչընդոտ է, մնացել ենք ճահճացած և ոչ մրցունակ: Դա նաև պայմանավորված է նրանով, որ նախկին համակարգում կիրթ լինելը հաջողության հասնելու համար անհրաժեշտ որակ չէր, լավ կապեր էին պետք, բայց երբ երկրից դուրս ես գալիս, ուրիշ աշխարհ ես տեսնում»:

Վ. Քերոբյանը կարևորեց նաև արդարադատության կայացումը և ընդգծեց, որ խնդիր է նաև այն, որ ոչ մի օտարերկրյա ներդրող Հայաստանում դատ չի հաղթել, այսինքն՝ մեր արդարադատության համակարգը դեռևս անվստահելի է օտարերկրյա ներդրողների համար, ինչն իր ազդեցությունն ունի ներդրումների գործընթացի վրա:

Մանրամասն՝ տեսանյութում:

  • Դիտումներ՝ *