Грузия Online-ի փոխանցմամբ՝ Վրաստանի արտգործնախարար Գրիգոլ Վաշաձեն այցելել է Հորդանան։ Իր հորդանանյան գործընկերոջ հետ հանդիպման ժամանակ Վաշաձեն քննարկել է երկու երկրների միջև հարաբերությունների հարցը։
Կողմերը շեշտը դրել են տարբեր ոլորտներում համագործակցության զարգացման համար օրենսդիր բազայի ստեղծման անհրաժեշտության վրա։
Բանակցությունների ժամանակ ընդգծվել է, որ մոտ ապագայում ստորագրվելու են մի շարք կարևոր համաձայնագրեր, որոնց նախագծերն արդեն պատրաստ են։ Խոսքը գնում է այնպիսի ոլորտների մասին, ինչպիսիք են առևտուրը, տրանսպորտը և էներգետիկան։
Կողմերը նաև քննարկել են Հարավային Կովկասում ու Մերձավոր Արևելքում տիրող իրավիճակը։
