Սահմանադրական դատարանում քննվում էր Մարտի 1-ի գործով մեղադրյալ, Հայաստանի Հանրապետության երկրորդ նախագահ Ռոբերտ Քոչարյանի հայցը։ Երկրորդ նախագահի պաշտպանները դիմել են ՍԴ, քանի որ, իրենց կարծիքով՝ նախկին նախագահին կալանքի տակ պահելը հակասահմանադրական է։
Վահե Գրիգորյանը պնդում է, որ Սահմանադրական դատարանի անդամներից 4-5 հոգի չեն կարող մասնակցել նիստին, քանի որ այս կամ այն կերպ նախկինում կապված են եղել այս գործի հետ, առնչություն են ունեցել Մարտի 1-ի գործին։ Ըստ ձեզ՝ որքանո՞վ է հիմնավոր այս պահանջը․ «Առաջին լրատվական»-ի հարցին Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը պատասխանեց․ «Ընդհանրապես, դատավորի կողմից որևիցե գործի քննության կամ վստահության երաշխիքներից մեկը, դա դատավորի անաչառությունն է։ Անաչառության հետ կապված որևիցե կասկած, որը կարող է գոյություն ունենալ, պետք է փարատվի, որի տարբերակներից մեկն այն է, որ դատավորն ինքն է պատճառաբանված որոշում կայացնում, կամ ընդունում է, որ կա այդպիսի պատճառ և ինքնաբացարկ է հայտարարում և չի մասնակցում գործի քննությանը, ինչպես, օրինակ, Վահե Գրիգորյանի դեպքում։ Այդ առումով կա վերապահում հենց Սահմանադրական դատարանի նախագահի հետ կապված, որովհետև նա Սահմանադրական դատարանի անդամ ընտրվելուց հինգ րոպե առաջ եղել է կուսակցության անդամ, քաղաքական մեծամասնության կողմից ընտրվել է Ազգային ժողովի պետաիրավական հանձնաժողովի նախագահ։ Այսինքն՝ նա եղել է այն քաղաքական ուժի անդամ, որը սատարել է նաև Ռոբերտ Քոչարյանին, և որևիցե գնահատական չի տվել Քոչարյանի նախագահության օրոք տեղի ունեցածին։
Բայց այստեղ ամենագլխավոր խնդիրն այն է, որ Սահմանադրական դատարանի նախագահը կուսակցության անդամ է եղել։ Այսինքն՝ ոչ թե մասնագետ է եղել, որին առաջարկում է կուսակցությունը, այլ նա հենց կուսակցության անդամ է եղել»։
Մանրամասները՝ տեսանյութում։
