Ռուսաստանի նախագահ Վլադիմի Պուտինի մոտ շրջապատի նկատմամբ պատժամիջոցները չեն անդրադառնա նրա քաղաքականության վրա, գրում է The USA Today-ը, սակայն ռուսները կարծում են, որ հենց իրենք կզգան տնտեսական պատժամիջոցների ողջ ծանրությունը:
«Իշխող շրջանակների և բիզնեսի կարծիքն այն է, որ այդ պատժամիջոցները չեն հարվածի Ռուսաստանին, այն դեպքում, երբ դրանք խնդրահարույց են հենց արևմտյան երկների համար»,- պարբերականը բերում է Ռուսաստանի գիտությունների ակադեմիայի Եվրոպայի ինստիտուտի Եվրոպական անվտանգության բաժնի պետ Դմիտրի Դանիլովի խոսքը:
Փորձագետի կարծիքով՝ գործող պատժամիջոցները շատ արդյունավետ չեն լինի:
«Հաշվի առնելով Ռուսաստանում իշխանության կառուցվածքը՝ հասկանալի է, որ բիզնեսը կենտրոնացած է քաղաքականության վրա, և նրանք ամեն դեպքում ստիպված կլինեն հարմարվել քաղաքական նոր իրականությանը: Բիզնեսն ու քաղաքական գործիչներն ավելի անհանգստացած են Ուկրանայում տիրող վիճակից և այնտեղ առևտրական կապերով, քան պատժամիջոցներով»,- ասում է փորձագետը:
ԱՄՆ-ը և ԵՄ-ը պատժամիջոցներ են սահմանել երկու տասնյակ ռուս և ղրիմցի պաշտոնյաների նկատմամբ: Պատժամիջոցները վիզայի հետ կապված արգելքներ և ակտիվների սառեցում են ենթադրում: Պատժամիջոցներ սահմանելու մասին հայտարարել են նաև Կանադան և Ճապոնիան: