Այսօր Facebook սոցիալական ցանցում ստեղծվել է մի էջ, որը կոչվում է «Հրավիրում ենք Պուտինին «Ծաղկաձոր 2011» երիտասարդական ֆորումին» (Приглашаем В.В.ПУТИНА На Молодежный Форум”ЦАХКАДЗОР 2011″):
Էջից տեղեկանում ենք, որ օգոստոսի 20-30-ը Ծաղկաձորում տեղի է ունենալու ԱՊՀ երիտասարդական կառավարությունների «Ծաղկաձոր 2011» ֆորում: Նշվում է, որ այն անցկացվելու է «Բարգավաճ Հայաստան» կուսակցության նախագահ Գագիկ Ծառուկյանի հովանավորությամբ, որին կմասնակցեն Հայաստանի և ԱՊՀ երկրների երիտասարդական կազմակերպությունների մոտ 1000 մասնակիցներ:
Հավաքի ժամանակ լինելու են տարբեր ոլորտներում հայտնի մասնագետների դասախոսություններ, ինչպես նաև կկազմակերպվեն տարբեր ժամանցային միջոցառումներ, հնարավորություն կտրվի ներկայացնելու նոր նախագծեր, ինչը մասնակիցներին թույլ կտա մեծացնել ինքնադրսևորվելու և ինքնահաստատվելու հնարավորությունները:
Ի դեպ, մենք փորձեցինք պարզաբանում ստանալ Գագիկ Ծառուկյանի մամլո խոսնակ Խաչիկ Գալստյանից, թե որն է հրավերի պատճառը. նա ասաց, որ հարցին կպատասխանի երկուշաբթի։
