Նկարիչ Ռուբի Մազուրը, որն ստեղծել է լեգենդար Rolling Stones խմբի լոգոտիպը, Միք Ջագերին մեղադրել է իրեն ինքնասպանության եզրին հասցնելու համար: Այս մասին նա գրել է Facebook-յան իր էջում, որից հետո ջնջել է այն:
Այսպիսով, Մազուրը որոշել է մեկնաբանել դիզայներ և երգչի նախկին ընկերուհի Լորեն Սքոթի ինքնասպանությունը՝ ակնարկելով Միքի մեղքը: Մազուրը մի քանի տասնյակ տարի շարունակ փորձել է դատական կարգով հաստատել խմբի լոգոտիպի նկատմամբ իր իրավունքները:
Նա գրել է, որ հասկանում է Լորենին, և եթե նա ինքը ուժեղ չլիներ ու լավ ընկերներ չունենար, հաստատ նույն քայլին կդիմեր:
Մազուրը բազմիցս խնդրել է Ջագերին՝ իրեն փոխանցել առևտրային նշանի նկատմամբ իրավունքները, որպեսզի ստանա օրենքով նախատեսված գումարները, սակայն ամեն անգամ երգիչը հրաժարվել է դա անել: Ավելի ուշ Ռուբին ընկճախտի մեջ է ընկել:
«Ես փորձել եմ բնակարանս գազով լցնել: Եթե եղբայրս չլիներ, ես կհայտնվեի այնտեղ, որտեղ հիմա Լորենն է: Երբ ես լսում եմ, որ Միքը Լորենին «հարազատ հոգի» է անվանում, զարմանում եմ. եթե նա ճիշտ է ասում, ապա ինչո՞ւ Լորենը վեց միլիոն դոլար պարտք ուներ: Դա ի՞նչ է Միք Ջագերի համար: Ոչինչ»:
Հիշեցնենք, որ Միքը 49-ամյա Լորենի ինքնասպանության մասին տեղեկացել է Ավստրալիա շրջագայության ժամանակ: Զույգը 13 տարի հանդիպել է:
Մահվանից առաջ նա ոչ մի գրություն չի թողել: Ինքնասպանության պատճառներից մեկը բիզնեսի հետ խնդիրներն են նշվում, չնայած L’Wrenn Scott-ում հերքում են այդ լուրերը, գրում է spletnik.ru-ն:
