Եկատերինբուրգում երկու կասկածյալներ են ձերբակալվել Վլադիմիր Պուտինի կորտեժի երթուղին ականապատելու փորձի համար, «ՌԻԱ Նովոստիին» հաղորդել է Սվերդլովսկի շրջանի ՆԳՆՎ մամլո ծառայության ղեկավար Վալերի Գորելիխը:
Ինչպես ավելի վաղ գրել է Znak.com-ը, հուլիսի 9-ին, Պուտինի այցի օրը, երկու տղամարդիկ կոշիկի տուփի մեջ հաղորդալարերով և մեկուսիչ ժապավենով փաթաթված շիշ և քարեր են տեղավորել և դրել մայրուղու վրա, որտեղով պետք է անցներ նախագահի կորտեժը դեպի Կոլցովո օդանավակայան ուղևորվելիս՝ Պուտինի GMIS գագաթնաժողովում ելույթից և ուսանողների հետ հանդիպումից հետո: Տեսանյութը հրապարակվել է YouTube-ում:
Ոստիկանությունում ենթադրում են, որ կասկածյալները ինքնաբուխ որոշել են պատժել «խուզարկուներին, որոնք բազմիցս քրեական պատասխանատվության են ենթարկել այդ տղամարդկանց»:
Ինչպես նշել է Գորելիխը, չարամիտներին ձերբակալել են միջադեպի հաջորդ օրը: Հարցաքննության ժամանակ նրանք խոստովանել են, որ ցանկացել են ստուգել ոստիկանության օպերատիվությունը:
Կատարվում է հետաքննություն: