ԱՄՆ Վիրջինիա նահանգի բնակչուհի 28-ամյա Քրիստեն Սնայդերը երևակայության մեջ իր պատկերն է ստեղծել և բոլոր միջոցներով ձգտում է դրան: Չնայած իր ընտանիքի անհանգստությանը և շրջապատողների մեկնաբանություններին:
ՏՏ աջակցության մասնագետ Քրիստենն առաջին պլաստիկ վիրահատությունը կատարել է տաս տարի առաջ: Այդ ժամանակ աղջիկը մեծացրել է կուծքը և, նրա խոսքերով, երեխայի նման արտասվել ուրախությունից: Դպրոցում նա արտաքինի պատճառով շատ անգամներ ծաղրի է ենթարկվել: Բացի այդ, նա միշտ շատ սլացիկ և նուրբ է եղել, իսկ հոգու խորքում ամերիկուհին երազել է շքեղ կազմվածքի մասին:
«Դպրոցում հաճախ էին ծաղրում ինձ, և ես սովորեցի չմտածել, թե իմ և իմ ընտրության մասին ինչ կարծիք ունեն ուրիշները»:
Մինչ օրս Քրիսթենը 185 հազար դոլար է ծասել ավելի քան 20 պլաստիկ վիրահատությունների վրա, գրում է Daily Mail-ը: Նա 2 անգամ մեծացրել է կուծքը, ենթարկվել 3 ռինոպլաստիկայի, լիպոսակցիայի, հեռացրել է կողերը, փոխել է ճակատի և այտերի ձևը: Եվ, իհարկե, բազմակի մեծացրել է շուրթերը:
«Ես միշտ երազել եմ սուպերկազմվածք ունենալ, և ես շատ սեքսուալ անձնավորություն եմ», ասել է Քրիստենը:
Աղջիկը նաև նշել է, որ գիտի, որ իր ընտանիքը մտահոգված է և վախենում է, որ պլաստիկը նրան վաղ թե ուշ գերեզման կտանի: Այնուամենայնիվ, Քրիստենը չի պատրաստվում կանգ առնել և նախատեսում է ևս 30 հազար դոլար ծախսել գեղեցկության ընթացակարգերի վրա:
