DW-ն, հղում անելով Նոր Զելանդիայի ոստիկանությանը, հայտնում է, որ 169 մարդ 224 միավոր զենք է հանձնել և ընդհանուր առմամբ ստացել է շուրջ 260 հազար եվրո: Մինչև տարեվերջ պլանավորվում է անցկացնել շուրջ 250 նմանատիպ ետգնում: Նշվում է, որ հունիսի վերջին Նոր Զելանդիայի կառավարությունը մոտավորապես 121 մլն եվրո է տրամադրել բնակչության կողմից կիսաավտոմատ զենք ետգնելու համար: Զենքը վաճառել կկարողանան նրանք, ովքեր նախկինում զենքը ձեռք են բերել օրինական ձևով: Սեփականատերերին կվերադարձվեն արժեքի մինչև 95 տոկոսը: Նրանց համար, ովքեր զենքը ձեռք են բերել ապօրինի կերպով և կամովին հանձնում են ոստիկանությանը, կա համաներման ընթացակարգ:
Ավելի վաղ UNIAN-ը հաղորդել էր, որ մարտի 15-ին Նոր Զելանդիայում ուրբաթ աղոթքի ժամանակ երկու մզկիթների վրա հարձակման արդյունքում 51 մարդ է զոհվել, և առնվազն 39 մարդ վիրավորվել է: Այս հարձակումը երկրին պատմության մեջ ամենամեծն է՝ ըստ զոհերի քանակի։
Հրաձգության պատասխանատվությունը ստանձնել է Ավստրալիայի քաղաքացի 28-ամյա Բրանթոն Թարանտը, որին պաշտոնապես մեղադրել են ահաբեկչության մեջ:
