Թուրքական Daily Sabah լրատվամիջոցը, հղում կատարելով զինվորակններից ստացված տեղեկություններին, հաղորդում է, որ Թուրքիան նախապատրաստվում է լայամասշտաբ գործողություն իրականացնել Սիրիայի տարածքում՝ Եփրատից արևելք գտնվող հատվածում: Այս տարածաշրջանը վերահսկվում է ԱՄՆ-ի կողմից հովանավորվող սիրիական ժողովրդավարական ուժերի կողմից, որոնց հիմքը սիրիացի քրդերից կազմված պաշտպանական ջոկատներն են:
Անկարան հանրային պաշտպանների այդ ջոկատներին ընդգրկել է ահաբեկչական կազմակերպությունների ցանկում՝ համարելով դրանց Քրդական աշխատավորական կուսակցության սիրիական մասնաճյուղը:
«Daily Sabah»- ը նշում է, որ Թուրքիային այդ քայլին դրդում են վերջին ամիսներին Միացյալ Նահանգների, Պարսից ծոցի երկրների (Սաուդյան Արաբիա և Միացյալ Արաբական Էմիրություններ) և քրդերի կողմից ղեկավարվող Սիրիայի ժողովրդավարական ուժերի հանդիպումները, ինչպես նաև Ֆրանսիայի և Մեծ Բրիտանիայի՝ այդ տարածաշրջանում ռազմական կոնտինգենտների ավելացման մասին հայտարարությունները:
Թերևս Թուրքիան ցանկանում է օգտագործել հարմար պահը՝ ԱՄՆ-ի և Իրանի միջեւ հարաբերությունների սրումը, որին այժմ ուղղված է Վաշինգտոնի ողջ ուշադրությունը: