Գանացի «ծառ-մարդ» 44-ամյա Մահմուդ Թալուլին կարող է վերջապես վերադառնալ բնականոն կյանքի։ Վերուցաձև էպիդերմոդիսպլազիայի (EV) պատճառով նրա մաշկը ծածկվում էր խիթերով, որոնք նման են ծառի կեղևի։
Ինչպես տեղեկացնում է The Daily Mail-ը, տղամարդը չորս վիրահատության է ենթարկվել՝ ձեռքերի ցավոտ խիթերը հեռացնելու համար։ Մահմուդը հույս ունի նոր կյանք սկսել, չէ՞ որ EV-ի պատճառով նա տարիներով չի կարողացել օգտագործել ձեռքերը։ Ավելի քան երկու տարի առաջ հեռացվեցին հազարավոր ցավոտ խիթերը մարմնի վրայից, բայց «կեղևի» աճը շարունակվում էր, և նա նորից չորս վիրաբուժական միջամտության ենթարկվեց։
EV առաջին ախտանշանները Մահմուդի մոտ նկատվեցին տասը տարի առաջ։ Այդ ժամանակվանից նա ստիպված էր դիմանալ քրոնիկ ցավին և անհարմար էր զգում արտաքին տեսքի համար փողոց դուրս գալիս։ Եգիպտոսցի և հորդանանցի բժիշկները նրան խորհուրդ տվեցին անդամահատել ձեռքերը, բայց Երուսաղեմի «Խադաս» բժշկական կենտրոնի մասնագետները առաջարկեցին օպտիմալ բուժում։
Առջևում հինգերորդ վիրահատությունն է։ «Այդ վիրահատությունները լիովին փոխել են կյանքս։ Հիմա ես կարող եմ, վերջապես, խաղալ երեխաներիս հետ»,- ասում է նա։