Կրեմլը վաղաժամ է համարում խոսել Վրաստան թռիչքների վերականգնման մասին, իրադրությունը դիտազննության կենթարկվի: Այդ մասին լրագրողներին հայտարարել է ՌԴ-ի նախագահի մամուլի քարտուղար Դմիտրի Պեսկովը:
«Թռիչքների սահմանափակման առկայությունը, թռիչքների արգելքը բացարձակապես հարկադրական միջոց է, համապատասխանաբար, իրադրությունն աստիճանաբար դիտազննման կենթարկվի, և հենց որ հայտնվեն այն բանի նշաններ, որ իրադրությունը նորմալացել է ռուսաստանցի զբոսաշրջիկների համար, որ նման ռուսատյաց դրսևորումներն անհետացել են, ահա այդ դեպքում էլ ժամանակ կլինի վերլուծության և ինչ-որ այլ որոշումների կայացման համար:
Առայժմ այդ մասին խոսելը վաղաժամ է»,- լրարգողներին հայտարարել է Կրեմլի ներկայացուցիչը: Ըստ որում Պեսկովն ընդգծել է, որ Վրաստան թռիչքների վերականգնումը չի կարելի բացառել: «Անշուշտ, մենք հուսով ենք, որ վաղ թե ուշ դա տեղի կունենա, բայց այժմ, հաշվի առնելով այդ սաստիկ բևեռացումը՝ ընդ որում ծայրահեղական երանգներով, վրացական հասարակության բևեռացումը հակառուսական և ռուսատյաց դրսևորումներով, առայժմ գոյություն ունի Վրաստանում մեծ թվով ռուս զբոսաշրջիկների գտնվելու օբյեկտիվ վտանգ»,- պարզաբանել է պետության ղեկավարի մամուլի քարտուղարը, հաղորդել է ՏԱՍՍ-ը:
