Հանրապետության նախագահ Արմեն Սարգսյանն այսօր ընդունել է Եվրոպական խորհրդի նախագահ Դոնալդ Տուսկին, և անդրադառնալով Հայաստան-Եվրամիություն հարաբերություններին՝ համոզմունք է հայտնել, որ առաջիկայում հարաբերությունները Եվրամիության հետ ավելի կսերտանան և կխորանան. «Մենք դրա համար մեծ ներուժ ունենք»:
«Առաջին լրատվական»-ի հետ զրույցում անդրադառնալով այս դիտարկմանը՝ «Սասնա ծռեր» կուսակցության քարտուղարության անդամ Գարեգին Չուգասզյանն ընդգծեց. «Կարծում եմ խոսքը քաղքակն բաղադրիչի մասին է,դեմոկրատական զրգացումների և դատական համակարգի բարեփոխումների: Հայաստանն այս ուղղությամբ կարող է լուրջ քայլեր անել, այդ առումով մենք դանդաղել ենք:
Հայաստանի ինքնիշխանության աճն ուղղակի անհրաժեշտություն է, ուրիշ ճանապարհ չունի Հայաստանը: Այն իրավիճակում, երբ որ զարգանում են ռուս-թուրքական հարաբերությունները, մեզ անհրաժեշտ է ուրիշ բևեռներ նույնպես խաղի մեջ առնել, և այդ կարևոր բևեռներից մեկը Եվրոպան է»:
Գ. Չուգասզյաի դիտարկմամբ՝ տարածաշրջանային զարգացումները փոխկապակցված են ամբողջ աշխարհում ընթացող, մասնավորապես Եվրասիական աշխարհաքաղաքական փոփոխություններով՝ Մետաքսի ճանապարհի՝ ավելի ճիշտ ամբողջ Եվրասիայում տնտեսական մի նոր ողնաշար ստեղծելու պրոյեկտներով, և պետք է պատրաստվել նման փոփոխություններին. «Կարծում եմ՝ մենք ունենք հնարավորություններ, որպեսզի չդառնանք մանրադրամ խոշոր ուժերի ձեռքին, և պետք է հասկականք, որ Հայաստանը՝ ներառյալ Արցախը, շատ մեծ, կարևոր աշխարհաքաղաքական շղթայի մի փոքրիկ օղակ լինելով՝ աշխարհաքաղաքական կարևորություն է ձեռք բերում»:
Գ. Չուգասզյանը, անդրադառնալով դիտարկմանը, որ այսօր միաժամանակ անջատվել են Երևանի ՋԷԿ-ը և Հրազդանի 5-րդ էներգաբլոկը՝ Հայաստանում առաջացնելով էլեկտրաէներգիայի հետ կապված բազմաթիվ խնդիրներ, ինչը, թերևս, վկայում է մեր էներգետիկ համակարգի՝ Ռուսաստանից կախվածության մասին, նշեց. «Սա գաղտնիք չէ, տարիներ շարունակ մենք բարձրաձայնել ենք այս վտանգի մասին, ահա տեսնում ենք այդ վտանգի դրսևորումները: Էներգետիկան երկրի համար ունի ոչ միայն տնտեսական, այլ նաև քաղաքական նշանակություն… Որևէ մեկնին մոնոպոլ ղեկավարման տալ էներգետիկ ենթակառուցվածքը, կարող են անել հակազգային ուժերը՝ ինչպես բնորոշում ենք նախկին ռեժիմին»:
Գ. Չուգասզյանի խոսքով՝ Էներգետիկ համակարգում տեղի ունեցածը կազդի գազի գնի բանակցությունների վրա:
Մանրամասն՝ տեսանյութում: