Ֆրանսիայի նախագահ Էմանուել Մակրոնը հեռախոսազրույց է ունեցել Իրանի իր գործընկերոջ՝ Հասան Ռոհանիի հետ, որում «խոր անհանգստություն է» հայտնել միջուկային գործարքի հետ կապված իրավիճակի պատճառով: Այս մասին հաղորդում է Reuters-ը:
Հեռախոսազրույցի ընթացքում Մակրոնը Ռոհանիին նախազգուշացրել է հետևանքների մասին, որոնք «անպայման տեղի կունենան» գործարքի կատարման թուլացման դեպքում: Ֆրանսիայի նախագահը նաև գործարքի բոլոր մասնակիցներին հուլիսի 15-ին բանակցությունների սեղանին վերադարձնելու ցանկություն է հայտնել:
Ինչպես գրում է Reuters-ը, Ռոհանին իր հերթին կասկած է հայտնել, որ գործարքից դուրս եկող ԱՄՆ-ի հետ հնարավոր է երկխոսություն վարել, միաժամանակ հաստատել է բանակցությունների մասին պայմանավորվածությունը: Բացի այդ, Իրանի նախագահը իր երկրի նկատմամբ ԱՄՆ պատժամիջոցները անվանել է «ահաբեկչական ակտ»:
Հեռախոսազրույցը տեղի է ունեցել Իրանի նախագահի՝ ուրանի հարստացումը գործարքով թույլատրելի մակարդակից ավելացնելու մասին՝ գործարքի հարցով Եվրոպայի կողմից իր պարտավորությունները չկատարելու պատճառով:
