«Հրապարակ»-ը գրում է. ««Ֆեյսբուք» սոցիալական ցանցը հարմար գործիք է ոչ միայն կեղծ օգտատերերի, այսպես ասած, «ֆեյքերի», սև PR-ով զբաղվողների կամ ուղղակի «լայքի» բիզնեսով զբաղվողների համար, այլև հասարակությունից մեկուսացման մեջ գտնվող մարդկանց՝ դատապարտյալների համար, որոնց արգելված է համացանցից օգտվել: Վերջին շրջանում նրանք ազատության մեջ գտնվող իրենց ընկերների միջոցով կարողանում են էջեր բացել և տեղեկություններ տարածել: Ավելի հաճախ դրանք ուղղված են մեզ՝ լրագրողներիս, և օգնության ճիչ են:
Օրերս մի այդպիսի ՖԲ հաղորդագրություն ստացանք ազատամարտիկ Աշոտ Իսախանյանի էջից: Վիրահատել են նրա երիկամը, և այժմ նախկին ազատամարտիկը պահվում է դատապարտյալների հիվանդանոցում: Նա ահազանգում է, որ իր ընտանիքի միակ կերակրողն էր, բայց վերջին մեկ տարին, ինչ ինքը գտնվում է կալանավայրում, ընտանիքը հայտնվել է աղետալի վիճակում: Կինը և 13 տարեկան դուստրն ապրում են Գորիսում, Ավանգարդի փողոց 5, 14, բն. 3 հասցեում: Նրանք կիսասոված են, հաց չունեն, փող չունեն, նպաստ և օգնություն չեն ստանում:»,–գրում է թերթը։
Մանրամասները՝ թերթի այսօրվա համարում։
