Թուրքիայի Կենտրոնական բանկի նախագահ Մուրաթ Չեթինքայան հեռացել է պաշտոնից։ Նրա դիրքը զբաղեցրել է ԿԲ նախագահի տեղակալ Մուրաթ Ույսալը։
Այդ մասին ասված է Resmi Gazete կառավարական թերթում։ Կադրային փոփոխության մասին փաստաթուղթը ստորագրել է Թուրքիայի նախագահ Ռեջեփ Թայիփ Էրդողանը։
Չեթինքայան զբաղեցրել է ԿԲ նախագահի պաշտոնը 2016 թվականից։ Նրա հեռանալու պատճառների մասին որևէ բան չի հաղորդվում, սակայն Reuters-ի աղբյուրների կարծիքով՝ Էրդողանը և Թուրքիայի ֆինանսների նախարար Բերաթ Ալբայրաքը նրա հրաժարականն են պահանջել այն բանից հետո, երբ Չեթինքայան հրաժարվել է ինքնակամ հեռանալ ԿԲ-ում տարվող քաղաքականության հետ անհամաձայնության պատճառով։ Մասնավորապես նշվում է, որ նա չի ուզեցել նվազեցնել տոկոսային դրույքները։