ՀՅԴ ԳՄ անդամ Արծվիկ Մինասյանը հրավիրված քննարկմանը վկայակոչեց Սահմանադրության այն նորմը, որ Հայաստանի տնտեսությունը սոցիալական շուկայական տնտեսական կարգի վրա պետք է հիմնվի. «Իսկ սա նաև ուղերձ է առաջին հերթին լիբերալիզմ քարոզողներին և բոլոր այն մարդկանց, ովքեր տնտեսությունը դիտարկում են իբրև անձնիշխանության կենտրոն, որ Սահմանադրությունը արդեն տվել է անհրաժեշտ պահանջը, և այս պահանջի ներքո պետք է ձևակերպվի տնտեսական մոդելը, որը սոցիալ-դեմոկրատական արժեքային համակարգի կենտրոնական հարցերից մեկն է»:
Նրա խոսքով՝ սոցիալական ներառականությունը ապահովում է երկրի զարգացումը և վերաբերում է մեր կյանքի բոլոր ոլորտներին:
«Մենք իրավունք չունենք բնական ռեսուրսները, որը ոչ միայն ներկա, այլև ապագա սերունդների սեփականությունն է, գերշահագործման տանել: Այս արատավոր երևույթը դրվել է այն ժամանակ, երբ Հայաստանն անկախություն ձեռք բերեց, և ցավոք, շարունակվեց և ավելի խորացավ»,- ընդգծեց Արծվիկ Մինասյանը:
Մանրամասն՝ տեսանյութում:
