Իսրայելը կոշտ արձագանք կտա Սիրիայի հետ բաժանարար գծում սադրանքներին: Ինչպես հաղորդում է ITAR-TASS-ը, նման հայտարարությամբ հանդես է եկել Իսրայելի ՊՆ նախարար Մոշա Յաալոնը:
«Իսրայելը չի հանդուրժի իր ինքնիշխանության խախտումը, զինվորների և քաղաքացիների վրա հարձակում գործելու փորձերը»,- ասել է նա և հավելել, որ նման փորձերին կտրվի կոշտ և անհապաղ պատասխան:
Նախարարը Գոլանի բարձունքների բաժանարար գծում տեղի ունեցող պատահարների պատասխանատվությունը դրել է Սիրիայի ղեկավարության վրա:
«Մենք Բաշար Ալ-Ասադի վարչակարգին պատասխանատու ենք համարում այն ամենի համար, ինչ տեղի է ունենում Սիրիայի տարածքում, և եթե նա շարունակի աջակցել ահաբեկչական խմբավորումներին ու համագործակցի դրանց հետ, ապա բարձր գին կվճարի»,-ասել է նա:
