Ի՞նչ իրավիճակ է հիմա տիրում սոցմեդիայում, հասարակական ընկալումներում, տրամադրություններում «Առաջին լրատվական»-ի հարցին «Քաղաքացու որոշում» կուսակցության գործադիր մարմնի անդամ Արեգ Թադևոսյանը պատասխանեց․ «Օքսֆորդն ամեն տարի հայտարարում է այդ տարվա բառը՝ ինչ-որ նոր տերմին, որը ձևավորվել է։ Կարծեմ, եթե չեմ սխալվում, նախանցած տարի այն «հետճշմարտություն» բառն էր, որը բնութագրում էր այն, որ մեր հասարակությանը սկսում է չհետաքրքրել, և նրանք չեն կարողանում տարբերել՝ ճշմարտությունը ոչ ճշմարտությունից ինչով է տարբերվում։ Նույնիսկ հեռուստատեսությունը, երբ նայում եմ՝ բավականին տհաճ է։ Այստեղ իմ գնահատականը կցանկանայի տալ մի քիչ ավելի խորքային տարբերակով․ ասում ենք՝ մարդկությունը շատ զարգացել է, եսիմ ուր է հասել, սակայն բավականին մանկական վիճակում է հիմա գտնվում ու շատ հետաքրքիր գործիքներ է ձեռքն ընկել, և մարդիկ դեռ չեն կողմնորոշվում, թե իրենք որտեղ են հայտնվել ու երեխայի պես այդ գործիքով կամ իրենց են վնասում, կամ մեկ ուրիշի։ Ճիշտ է, ցավալի է, բայց իմ կարծիքով՝ դա բնական պրոցես է։ Մենք պետք է հասկանանք, որ ինֆորմացիայի կուլտուրայի տեսանկյունից մարդկության դեռ մեծ մասը բավականին ցածր մակարդակի վրա է գտնվում, իսկ գործիքները, որոնք իր ձեռքն ընկել է, օր օրի հսկայական զարգացում են ապրում»։
Իսկ «Գելլափ ինթերնեյշնլ ասոցիացիայի» հայաստանյան գրասենյակի ղեկավար Արամ Նավասարդյանն ասաց․ «Ես կարծում եմ, որ հիբրիդային պատերազմի գաղափարը չափից ավելի ուռճացված է։ Այն իրավիճակը, որ մենք հիմա ունենք, երևի թե մի փոքր ավելի սուր է, մի փոքր ավելի շատ է ուշադրություն դարձվում, քան նախորդ իշխանությունների ժամանակ։ Երևի կարծում եք, որ նախորդ իշխանությունների ժամանակ չկար ֆեյքնյուզ կամ որոշակի խմբեր, որոնք աշխատում էին իշխանությունների դեմ, կամ ընդհանրապես Հայաստանի դեմ, դա այդպես չի, դրանք եղել են, կան և կլինեն։ Ես այստեղ ուրիշ խնդիր եմ տեսնում։ Ես տեսնում եմ, որ այդ կարգի օրակարգերը մանիպուլյացիա են, որի նպատակն է չեղարկել, չեզոքացնել այն խնդիրները, որոնք դեռ մնում են»։
Մանրամասները՝ տեսանյութում։
