007 գործակալի, որը հայտնի է նաև որպես Ջեյմս Բոնդ, արկածների մասին սագայի շարունակության նկարահանումներից կադրեր են հրապարակվել կինոնկարի YouTube-ալիքում: Twitter-ում իրենց գրառման մեջ կինոնկարի ստեղծողները հիշեցրել են, որ նկարահանումները տեղի են ունենում Ջամայկայում:
Ինչպես ճշտում է The Hollywood Reporter հրատարակությունը, կինոժապավենի պրեմիերան սպասվում է 2020 թվականի ապրիլի 8-ին: Ավելի վաղ հաղորդվել էր, որ Ջեյմս Բոնդի մասին 25-րդ ֆիլմի նկարահանումների ժամանակ դժբախտ դեպք է տեղի ունեցել. կառավարվող պայթյունը փչացրել է դեկորացիաները և վիրավորել նկարահանող խմբի անդամին: Բացի այդ, նշվել էր, որ բրիտանացի դերասան Դենիել Քրեյգը, որը 007 գործակալի դերակատարն է, վիրահատության է ենթարկվելու կոճի վնասվածքից հետո, որն ստացել էր Ջեյմս Բոնդի մասին 25-րդ ֆիլմի նկարահանումների ժամանակ, հաղորդել է Life-ը:
