Այսօր՝ հունիսի 24-ին, հրավիրվել է Ազգային ժողովի արտահերթ նիստ: Այժմ քննարկվում է Քրեակատարողական օրենսգրքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու մասին հարցը:
«Լուսավոր Հայաստան» խմբակցության պատգամավոր Կարեն Սիմոնյանը ներողություն խնդրեց թեմայից շեղվելու համար և հայտարարեց. «Այն, ինչին անդրադարձան մեր գործընկերներ պարոն Մկրտչյանը և պարոն Պապոյանը, այնքան էլ կոռեկտ չէր: Քաղավիացիայի պետը Հայաստանում ամենաշատ գործուղման մեկնած պաշտոնյաներից մեկն է, իսկ արդյունք մենք դեռևս չենք տեսել՝ քանի՞ նոր չվերթ է բացվել, քանի՞ նոր ավիաընկերություն է մուտք գործել»:
Դիմելով Արեն Մկրտչյանին՝ Կարեն Սիմոնյանն ասաց. «Պարոն Մարուքյանը հիշում է, որ ինքը պատգամավոր է՝ դո՛ւք հիշեք: Իսկ եթե սիրում եք կոչերով դիմել, կոչով դիմեք ձեր կառավարությանը, որ արդյունք ցույց տան, և թողե՛ք այդ ամբարտավան տոնը»:
Մանրամասները՝ տեսանյութում:
