Այսօր՝ հունիսի 24-ին, հրավիրվել է Ազգային ժողովի արտահերթ նիստ: Այժմ քննարկվում է Քրեակատարողական օրենսգրքում փոփոխություններ և լրացումներ կատարելու մասին օրենքի նախագիծը 1-ին ընթերցմամբ ընդունելու մասին հարցը:
«Իմ քայլը» խմբակցության պատգամավոր Արեն Մկրտչյանը, անդրադառնալով «Լուսավոր Հայաստան» խմբակցության ղեկավար Էդմոն Մարուքյանի ֆեյսբուքյան գրառմանը («Փայլուն աշխատող կառավարությանը և քաղավիացիայի պետ սիրուն աղջկան»), ասաց. «Ինձ մոտ տպավորություն էր, որ պարոն Մարուքյանը իրենց բակի բեսեդկայում պպզած՝ ռեպլիկ է թողնում բակով անցնող գեղեցկատես աղջկա հետևից: Ես ուզում եմ հիշեցնել, որ պարոն Մարուքյանը պատգամավոր է և խոսում է Քաղավիացիայի պետի մասին»:
Նա կոչ արեց հարգել պատգամավորի մանդատը և պահել իրեն «կլասիկ պատգամավորի, այլ ոչ՝ ռաբիս պատգամավորի պես»:
Մանրամասները՝ տեսանյութում: