Ամերիկացիների մեծամասնությունը (85%) կարծում է, որ տնային կանոնները ընտանեկան հանգստության բանալին են: Ընտանիքների մոտ կեսը (52%) անգամ երեխաների համար պարեկային ժամի պես բան են սահմանում իրենց տներում: Այս մասին ասվում է OnePoll գործակալության նոր ուսումնասիրության մեջ, որին մասնակցել են 2 հազար ամերիկացի ծնողներ և դպրոցական տարիքի երեխաներ:
Ընտանեկան ամենատարածված կանոնը «խնդրում եմ» և «շնորհակալություն» բառերի պարտադիր օգտագործումն է․ դա են պահանջում ծնողների 50% -ը: Դրան հետևում են բարի լինելու հորդորը և խաղալուց առաջ դասերը սովորելու պահանջը (49%): Հինգ ամենատարածված կանոնները ներառում են նաև «իրերն իրենց տեղը վերադարձնելը» (46%) և «ուտելուց հետո ափսեները լվանալը» (46%): Ինչ վերաբերում է ամենաշատը խախտված կանոններին, ապա առաջին եռյակում ափսեները լվանալն է, բարձր ձայնով խոսելն արգելելը և ընտանեկան ընթրիքի ժամանակ սմարթֆոնների օգտագործումը արգելող կանոնը: