«Խոսքը բացառապես ուժեղ մրցակցության մասին է եղել, և ուղղակիորեն արտացոլում է քվեի իրավունք ունեցող մեր կուսակցական ընկերների պատկերացումները և ոչ ավելին»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր, Կրթության, գիտության, մշակույթի, սպորտի, սփյուռքի և երիտասարդության հարցերի հանձնաժողովի նախագահ Մխիթար Հայրապետյանը՝ անդրադառնալով նախորդ շաբաթ ՔՊ վարչության ընտրությունների արդյունքներին։
Անդրադառնալով Սասուն Միքայելյանի՝ վարչության անդամ չընտրվելուն՝ պատգամավորը նշեց, որ ընդամենը մի քանի ձայների տարբերությամբ նա չի ընտրվել, և դա բացառապես պատվիրակների կամարտահայտումն է, և դրա տակ այլ տողատակ փնտրելու անհրաժեշտություն չկա, ուժեղ մրցակցության մասին է խոսքը եղել։
