Իռլանդիան մարտի 17-ին նշում է ազգային ամենասիրված տոներից մեկը՝ Սուրբ Պատրիկի օրը՝ հայտնում է ITAR-TASS-ը:
Իռլանդացիները հարգանքի տուրք են մատուցում իրենց երկրի հովանավորյալին:
Ավանդույթի համաձայն՝ նա Էյր (Իռլանդիայի պատմական անվանումը) էր հասցրել քրիստոնեությունը:
Ի պատիվ սրբի շքերթներ անցկացնելու ավանդույթը ծնունդ է առել 1996-ին:
Դուբլինում հանդիսավոր երթին կմասնակցեն մի քանի հազար դերասան, ակրոբատ ու երաժիշտ:
Այս տարի միջոցառմանը կմասնակցեն նաև երաժշտական համույթներ ԱՄՆ-ից, Գերմանիայից և Էստոնիայից:
Անցյալ տարի տոնին մասնակցելու նպատակով Իռլանդիա էր ժամանել 140 հազար զբոսաշրջիկ:
Երեկոյան տոնակատարությունը կտեղափոխվի փաբեր ու կտևի մինչև կեսգիշեր:
