«Վարչապետի խորհրդականն եմ ընդհանուր ռազմավարության գծով, որը ենթադրում է, թե ինչպիսի տեսլական ենք ուզում ունենալ այն տնտեսական հեղափոխության համատեքստում, որի մասին հայտարարել ենք, այսինքն՝ ավելի կոնկրետ՝ ինչ ենք մենք դրա տակ հասկանում, ուր ենք ուզում հասնել և ինչպես: Այդ հարցերի պատասխանի հստակեցումը հենց ենթադրում է ռազմավարություն ունենալը»,- Առաջին լրատվական»- ի հետ զրույցում այս մասին ասաց ՀՀ վարչապետի խորհրդական Լևոն Մազմանյանը:
Հարցին, թե այդ ռազմավարությունն ընդգրկելո՞ւ է բոլոր ոլորտները, բոլոր ուղղությունները, վարչապետի խորհրդականը պատասխանեց. «Այո՛, երբ խոսում ենք ռազմավարության մասին, պետք է տարանջատենք մի քանի մակարդակ: Ռազմավարությունը կարող է լինել բարձր մակարդակի, երբ խոսքը ամբողջ երկրի մասին է, թե պետական մակարդակով ինչի ենք ուզում հասնել որպես պետություն, հետո միջանկյալ մակարդակը, որը կարող է ներառել կարևորագույն խնդիրներ և այդ խնդիրների լուծումներ միջոլորտային և ոլորտային մակարդակներում, և ավելի ստորին մակարդակի ռազմավարություններ, որոնք ավելի կարճ ժամանակահատվածի համար կնախատեսեն լուծումների, գործողությունների հաջորդականություն և այլն»:
«Չենք ուզում շատ երկար սպասել… Կառավարությունը պետք է ընդհանուր հայտարարի գա և հստակեցնի հարցերի պատասխանները»,- նշեց Լ. Մազմանյանը՝ հավելելով, որ կարևորում է ռազմավարության մշակմանը և իրագործմանը բոլոր պետական մարմինների մասնակցությունը:
Մանրամասն՝ տեսանյութում: