Քանի դեռ ամբողջ աշխարհը սպասում է առաջատար ընկերությունների սմարթֆոնների թողարկմանը, չինական Goophone-ը արդեն թողարկել է դրանց կրկնօրինակները:
Ինչպես երևում է լուսանկարից՝ սա Samsung Galaxy 5S-ն է: Այն արտաքինից բնօրինակից շատ քիչ է տարբերվում:
Չինական ընկերությունը ժամանակակից միջուկ է տեղադրել դրա մեջ՝ չորսմիջուկանի պրոցեսոր, երկու գիգաբայթ հիշողություն և նույնիսկ 13-մեգապիքսելանոց տեսախցիկ: Սակայն բնօրինակն իհարկե ավելի հզոր է: Փոխարենը չինացիները իրենց արտադրանքի համար ոչ թե 800, այլ ընդամենը 300 դոլար են պահանջում:
Էկրանը 5 դյույմանոց է, Full HD, Android 4.4.2 օպրեացիոն համակարգով: Սակայն մատնահետքերի սքաներ և սրտի բաբախի արձանագրություն կլոնը իհարկե չունի:
Goophone M8-ը դեռ չթողարկված HTC M8-ի կրկնօրինակն է: Ակնհայտ է, որ չինացիները սարքավորումը հավաքել են համացանցում հայտնված տեսահոլովակի օգնությամբ: Բնութագիրը բնօրինակի հետ համեմատած գրեթե նույնն է, միայն օպերատիվ հիշողությունը և պրոցեսորն են ավելի թույլ: Հինգդյույմանոց սմարթֆոնը 229 դոլար արժե:
Եվ վերջապես, Goophone i5S-ի անվանումից կարելի է գուշակել, որ դա iPhone 5S-ի կրկնօրինակն է: Այս մեկը ևս իր բնօրինակից արտաքնապես գրեթե չի տարբերվում: Այն ոչ թե iOS-ով, այլ Android 4.2.2-ով է աշխատում: Սակայն կրկնօրինակի կաղապարը բավականին թույլ է: Մատնահետքերի սքաներ չկա, չնայած դրա համար նախատեսված կոճակն առկա է: Հեռախոսի գինը 160 դոլար է, փոխանցում է style.rbc.ru-ն:
