«Գազպրոմի» նախագահ Ալեքսեյ Միլլերը և «Ռենովա» ընկերությունների խմբի տնօրենների խորհրդի նախագահ Վիկտոր Վեքսելբերգը համաձայնագիր են ստորագրել, որը նախատեսում է էներգետիկ ոլորտում իրենց ակտիվների միավորում: Այս մասին հաղորդում է ITAR-TASS գործակալությունը: Փաստաթուղթը հաստատում է կողմերի մտադրությունը միավորվելու «Գազպրոմ էներգահոլդինգ» ընկերության մեջ, որը տնօրինում է գազային հսկայի էներգետիկ ակտիվները:
Միավորված ընկերությունում «Գազպրոմին» է պատկանելու բաժնետոմսերի 75%-ը՝ մինուս 1 բաժնետոմս: իսկ «Ռենովային»՝ 25%-ը՝ պլյուս 1 բաժնետոմս: Սրա արդյունքում համատեղ ընկերությունը կունենա 50 ԳՎտ հոսանք արտադրելու հնարավորություն, ինչը կարող է ծածկել Ռուսաստանի էներգետիկ ողջ պահանջների մոտ 25%-ը: Այս մասին հաղորդում է Interfax գործակալությունը:
Հակամենաշնորհային ծառայության ղեկավար Իգոր Արտեմևը այս նախաձեռնությանը բացասական գնահատական է տվել՝ նշելով, որ այն անցանկալի է հակամենաշնորհային օրենսդրության տեսակետից. «Ես կարող եմ ասել, որ դա անցանկալի է: Ամենասկզբից մեր դիրքորոշումը կլինի զգուշավոր»,- ասել է Արտեմևը:
