Իսպանիայում գողացվել է 12-րդ դարի «Կալիքստայի կոդեքս» ձեռագրի բնօրինակը, որը պահվում է Իսպանիայի Սանտյագո դե Կոմպոստելա քաղաքի սբ. Հակոբի եկեղեցում: Այս մասին գրում է El-Pais-ը: Այս ձեռագրի հեղինակ է համարվում Հռոմի պապ Կալիքստոս 2-րդի քարտուղար Այմերիկ Պիկոն. ձեռագրում նա խորհուրդներ է տալիս ճանապարհորդներին: Այս ձեռագիրն աշխարհի առաջին փաստացի ուղեցույցն է համարվում:
Գողության փաստի մասին հայտնի է դարձել հուլիսի 5-ին: Այն գտնվում էր եկեղեցու արխիվում չհրկիզվող պահարանի մեջ, որն ուներ անվտանգության համակարգ և 5 տեսախցիկ: Հատկանշական է, որ սեյֆը չի գտնվել այդ տեսախցիկներից և ոչ մեկի տեսադաշտում:
Իսպանիայի իշխանություններն այս գողությունն անվանել են իրենց մշակությաին ժառանգության ամենամեծ կորուստներից մեկը: Ոստիկանությունը կարծում է, որ գողությունը կրել է պատվիրված բնույթ:
Հանցագործները չեն հայտնաբերվել:
