Ռուսաստանի նախագահ Վլադիմիր Պուտինը Դուշանբեի գագաթնաժողովից առաջ շնորհավորել է Չինաստանի առաջնորդ Սի Ծինփինին ծննդյան առթիվ և նրան ռուսական պաղպաղակ նվիրել։ Պուտինը նաև չինացի գործընկերոջը թխվածք և ծաղկաման է մատուցել։ Այս մասին ասել է ՌԴ նախագահի մամուլի քարտուղար Դմիտրի Պեսկովը։
Ռուսաստանի առաջնորդը հիշել է՝ ինչպես է 2013-ին Ինդոնեզիայի գագաթնաժողովում Սի Ծինփինի ընկերակցությամբ նշել իր ծննդյան տոնը։ Այդ ժամանակ երկու նախագահները թխվածք են կերել և օղի խմել։
«Այնքան օղի, որքան ձեր ծննդյան օրը, ես երբևէ չեմ խմել»,-ժպտալով ասել է Սի Ծինփինը։
Վերջինն իր հերթին ՌԴ առաջնորդին թեյ է նվիրել։ Դրանից հետո նրանք շամպայն են ըմպել։