Լուրեր
Հայաստանի համար ցանկալի է անցումային և կանոնավոր վեթինգի համակցությունը
  • 18:00
  • 2019-06-11
  • Դիտումներ՝ *

Վերջին մեկ-երկու ամիսների ընթացքում դատական համակարգի բարեփոխումների և վեթինգի մասին, իհարկե, շատ է խոսվում։

Ներկայումս Հայաստանում վեթինգի իրականացման համար ինչպե՞ս եք գնահատում իրավիճակն ու պայմանները, և որո՞նք են հիմնական խնդիրները՝ եթե այդպիսիք կան, «Առաջին լրատվական»-ի հարցին ազգային անվտանգության, միջազգային հարաբերությունների և հանրային կառավարման փորձագետ Սոսի Թաթիկյանը պատասխանեց․ «Ինչ վարչապետը վեթինգի վերաբերյալ հայտարարությունն արել է, անցել է երեք շաբաթ, և հիմա իրավիճակը փոքր-ինչ ուրիշ է, քան առաջ։ Առաջին հերթին բարձրացել է հանրության տեղեկացված լինելը։ Վեթինգի իրականացման ամենակարևոր նախապայմաններից մեկը քաղաքական կամքն է։ Ես աշխատել եմ շատ երկրներում, որտեղ վեթինգի ներմուծումն ավելի շատ եղել է միջազգային կազմակերպությունների նախաձեռնություն, քան թե ազգային։ Ես, որպես միջազգային կազմակերպության փորձագետ, պետք է երկարատև աշխատանք տանեի տեղական իշխանությունների հետ, պետք է համոզեի, որ նրանք որոշեին վեթինգի գնալ։ Մեր մոտ այդ խնդիրը չկա, որովհետև մեր մոտ դա ազգային քաղաքական որոշում է։ Այդ իմաստով շատ դրական է»։

«Վեթինգի երկրորդ նախադրյալն է բարենպաստ հանրային համերաշխության մթնոլորտը։ Կարծում եմ, որ այս նախադրյալը կիսով չափ է առկա, որովհետև կան քաղաքական ուժեր, որոնք կողմ են վեթինգին, սակայն նրանք ասում են, որ այն պետք է ճիշտ իրականացվի։ Սակայն հարց է, թե որն է այդ ճիշտ իրականացումը՝ ոչ բոլորի համար է դա պարզ»,- հավելեց Սոսի Թաթիկյանը։

Բանախոսը նաև հավելեց, որ Հայաստանի համար ցանկալի է անցումային և կանոնավոր վեթինգի համակցությունը։

 

 

Մանրամասները՝ տեսանյութում։

  • Դիտումներ՝ *