Կրասնոգորսկի քաղաքային դատարանը 2 ամսով կալանավորել է Կրասնոգորսկի շրջանում տեղի ունեցած ծեծկռտուքի ենթադրյալ 8-րդ մասնակցին։ Ծեծկռտեուքի ընթացքում սպանվել էր Սիրիայում մարտական գործողությունների նախկին մասնակից, ԳՀՎ նախկին հատոկջոկատային Նիկիտա Բելյանկինը, հայտնում է TASS-ը՝ վկայակոչելով դատարանում աղբյուրին:
«Կրասնոգորսկի քաղաքային դատարանի որոշմամբ բավարարվել է Համլետ Ռոմիկի Հայրապետյանի նկատմամբ կալանավորումը որպես խափանման միջոց ընտրելու միջնորդությունը»,- ասել է գործակալության զրուցակիցը:
Կասկածյալին մեղսագրվում է ՌԴ ՔՕ 213-րդ հոդվածի 2-րդ մասով (խուլիգանություն՝ կատարված խմբի կողմից նախանական համաձայնությամբ) նախատեսված հանցագործության կատարում:
Այսպիսով, կալանավորվել են ավելի վաղ ձերբակալված ծեծկռտուքի բոլոր մասնակիցները. սպանության մեջ մեղադրվող գործազուրկ ռուսաստանցի Սերգեյ Խոջայանը, ՌԴ քաղաքացիներ Ռուդիկ Մանուկյանը, Արթուր Հակոբյանը, Դավիթ Եղիազարյանը եւ Սուրեն Մարկոսյանը, Հայաստանի 2 քաղաքացիներ Նարեկ Ստեփանյանը և Սահակ Սահակյանը, որոնց մեղասագրվում է խուլիգանության մեղադրանք: Նրանք իրենց մեղքը չեն ընդունում:
Հիշեցնենք, որ հունիսի 2-ի գիշերը Կրասնոգորսկի շրջանի Պուտիլկովո միկրոշրջանի Նովոտուշինսկյան փողոցում գտնվող սրճարանում տեղի էր ունեցել զանգվածային ծեծկռտուք: Ծեծկռտուքի մասնակիցներին բաժանել էր փորձել ԳՀՎ նախկին հատուկջոկատային Նիկիտա Բելյանկինը:
Ծեծկռտուքի ժամանակ Բելյանկինը սպանվել էր, ևս մեկ տղամարդ վնասվածքներ ստացել:
