«ՀՀ տնտեսական մրցակցության պաշտպանության պետական հանձնաժողովը, բնականաբար, զբաղվում է տնտեսական մրցակցությամբ, ինչի մասին հուշում է նրա անվանումը։ Ավելի բովանդակային ասած՝ զբաղվում է շուկայի մասնակիցների տնտեսական հնարավորությունների պաշտպանությամբ, սպառողների շահերի պաշտպանությամբ, շուկաների վերլուծությամբ և շուկաների կառուցվածքը տնտեսական մրցակցության տեսանկյունից ուսումնասիրությամբ։ Նոր Սահմանադրությամբ ՏՄՊՊ հանձնաժողովն ինքնավար, անկախ մարմին է, և տարեկան հաշվետվություն է ներկայացնում Ազգային ժողովում, որը հրապարակվում է։ Այսինքն՝ այն գտնվում է հանրային վերահսկողության ներքո»,- «Առաջին լրատվական»-ի հետ զրույցում ասաց ՀՀ ՏՄՊՊՀ նախագահ Գեղամ Գևորգյանը։
ՀՀ-ում ՏՄՊՊՀ-ի նման կառույցները ձևական բնույթ են կրել և չեն կատարել իրենց պարտավորությունները։ Այսօր ժողովրդի և տնտեսվարողների շրջանում վստահություն ձևավորելու առումով ի՞նչ է արվում «Առաջին լրատվական»-ի հարցին Գեղամ Գևորգյանը պատասխանեց․ «Ես չէի ցանկանա, որ ՏՄՊՊ հանձնաժողովի նկատմամբ պատկերացումը լինի այնպիսին, որ մենք ստեղծված ենք, որպեսզի բավարարենք այս կամ այն կառույցի ցանկությունը, և այո, կա վստահության լրջագույն խնդիր։ Այսինքն՝ առաջին թիրախային մեր խնդիրը հասարակության մեջ վստահության բարձրացումն է։ Առաջին հերթին մենք պետք է բարձրացնենք ՏՄՊՊ հանձնաժողովի աշխատանքների թափանցիկությունը՝ մեկ-երկու ամսից մենք նոր` տեխնիկական արդիական լուծումներով հագեցած, եռալեզու, օնլայն կայք կունենանք։ Տնտեսվարող սուբյեկտները ՏՄՊՊ հանձնաժողովի պաշտոնական կայքի միջոցով կարող են ավելի հեշտ ու արագ ուղարկել իրենց գործունեության հայտարարագրերը, հաշվետվություններն ու դիմում-բողոքները»։
Մանրամասները՝ տեսանյութում։
