ԵԱՀԿ Մինսկի Խմբի համանախագահները պայմանավորվել են բարձրագույն մակարդակով բանակցություններ անցկացնել Լեռնային Ղարաբաղի հակամարտության խաղաղ գործընթացն առաջ քաշելու համար: Այս մասին գրում է Trend-ը` վկայակոչելով կազմակերպության կայքին:
ԵԱՀԿ Մինսկի խմբի համանախագահները` Ռուսաստանի դեսպան Իգոր Պոպովը, Ֆրանսիայի դեսպան Ժակ Ֆորը և ԱՄՆ-ի դեսպան Ջեյմս Ուորլիքը մի շարք հանդիպումներ են անցկացրել Հայաստանի ԱԳ նախարար Էդվարդ Նալբանդյանի և Ադրբեջանի ԱԳ նախարար Էլմար Մամեդյարովի հետ` փետրվարի 22-ից մարտի 11-ը` Փարիզում և Մոսկվայում: Նիստերին մասնակցել է նաև ԵԱՀԿ նախագահի անձնական ներկայացուցիչ Անջեյ Կասպրշիկը:
Նախարարները կրկին հայտարարել են բոլոր հարցերը լուծելու և գործընթացն առաջ մղելու իրենց ցանկության մասին, նշվում է հաղորդագրությունում:
Համանախագահներն ընդգծել են համագործակցության շարունակությա կարևորությունը: Հատուկ հանձնակատարները ծրագրում են հաջորդ ամիս տարածաշրջան այցելել:
