Reuters-ի փոխանցմամբ, Իրանը տեխնիկական պատճառներով դադարեցրել է գազի մատակարարումը Թուրքիա: Իրանի ազգային գազային ընկերության պաշտոնական ներկայացուցիչ Հասան Թորբաթիի խոսքերով, Իրանը դադարեցրել է նավթի արտահանումը Թուրքիա` վերանորոգման աշխատանքներ անցկացնելու անհրաժեշտությունից դրդված: Նրա խոսքերով, գազի տեղափոխումը մոտ ժամանակներում կվերականգնվի: Օգոստոս-սեպտեմբեր ամիսներին Իրանն արդեն դադարեցրել էր գազի մատակարարումը Թուրքիա, քանի որ գազատարը հաճախակի պայթեցվում էր:
Սակայն այս դադարեցումը հնարավոր է կապված լինի Ահմադինեժադի վերջին այցի հետ Լիբանան, որտեղ պետք է կայանար չորս երկրների` Լիբանանի, Սիրիայի, Իրանի եւ Թուրքիայի ղեկավարների մասնակցությամբ գագաթաժողովը, սակայն այն հետաձգվեց: Վերլուծաբանների կարծիքով գագաթաժողովին չի ներկայացել Թուրքիան, քանի որ Միացյալ Նահանգները նրա վրա ճնշում է գործադրել` Իրանի հետ հարաբերությունների հետ կապված: